Prins Björn I (callemeijn)
Op zaoterdig 20 jannewari 2024 höbbe v.v. De Kraonkelaere Björn Callemeijn és 52ste Prins oetgerope.
Björn is eine man mit ein richtig Vastelaoveshart. Dees daag viere zit biej heum in ’t blood. Björn wèrk biej de Brandjweer, beroeps en vriejwillig. Same mit zien vrouw Priscilla en twee kènjer woont hae mit väöl plezeer al zien ganse laeve in ósse wiëk. In zien vrieje tiëd “kloemelt” hae nog get aan biej zien favoriete sjport handjbal biej Sittardia.
Prins Björn zal regere euver ’t Kraonkelaereriëk mit ziene liefsjpreuk:
“Normaal dauf ich ut vuur;
Maar dèze Vastelaovend,
zèt ich same mit uch,
Lutterao en de Kraonkel in vuur en vlam
Kraonkelaere Alaaf!”
Jeugprins miel I (van de wall)
Op zondig 21 jannewari 2024 höbbe veer op ósse gezellige Kènjerzitting ósse 49ste Jeugprins oetgerope:
𝐉𝐞𝐮𝐠𝐩𝐫𝐢𝐧𝐬 Miel 𝟏𝐬𝐭𝐞 (van de Wall)
Miel is gebaore op 29 juli 2011 en ein échte verenigingsman. Al jaore is hae lid van ósse Jeugraod, maar auch is hae aktief biej Jong Nederland Lèntjheuvel, de drumband van Hermemie St. Cecilia en biej de Handjbalvereniging V&L.
Jeugprins Miel geit dees Vastelaovend de Jeugraod veurop en same mit zien Prins (Björn I) regeren euver ós Kraonkelaereriëk. Dat geit hae doon mit ziene liefsjpreuk:
“Väörluipig raak ich gein handbal meër aan,
Trommele is auch ein paar waeke van de baan.
D’r is auch aeve geine tiëd veur Jong Nederland,
Maar mit de Kraonkelaere-scepter in mien handj,
Gaon ich veurop in ‘t Kraonkelaere landj.
Kraonkelaere, Alaaf!”