V.V. De Kraonkelaere

ℙ𝕣𝕚𝕟𝕤 ℝ𝕚𝕔𝕜 𝟚𝕕𝕖
Zaoterdig, 17 Jannewari 2026

Vanaovend höbbe veer op ózze Revue és 54ste Prins oetgerope:
𝗣𝗿𝗶𝗻𝘀 𝐑𝐢𝐜𝐤 𝟐𝐝𝐞 (𝐒𝐜𝐡𝐫𝐨𝐮𝐟𝐟)

Vastelaovend zit in ut blood van ózze kersverse Prins, Rick. Gebaore in ós Waereldsjtad en noe woonachtig op sjteinworp aafsjtand van ózze Tempel, De Reünie.

In ózze regio is sjoonpap Werner auch heël bekènd van o.a. de Sociëteit Net Neet Opgerich. Rick is al lange tiëd same mit Michelle en getrouwd op 28 augustus 2015. Verder maakt hun 6-jäörige zoon Ruben en auch hondj Denver ut gezin compleet.

In ut dagelijks laeve is Rick wèrkzaam biej Spie aafdeiling Aelse in de functie ATEX Inspecteur. In ziene vrieje tiëd deit ósse Prins aan Mountainbike en Hyrox.
Dao-naeve zèt Rick zich al 7 jaor in veur ein Goed Doel, namelijk Duchenne Heroes, wobiej hae zelf auch al 4x mit haet gedaon aan de “100km Mountainbike Variant”.

Es d’r dan nog get tiëd euverblief is d’r gaer same mit zien gezin, femilie en vrunj. Of is hae druk bezig mit klussen.

Prins Rick zal dit sezoen van de Kraonkelaere regere mit ziene liefsjpreuk:

“𝐃𝐞 𝐤ó𝐦𝐦𝐞𝐧𝐝𝐞 𝐭𝐢ë𝐝 𝐠𝐞𝐢𝐧 𝐒𝐩𝐢𝐞-𝐡𝐞𝐥𝐦,
𝐦𝐚𝐚𝐫 𝐬𝐣𝐨𝐚𝐧𝐞 𝐯𝐞𝐞𝐫𝐞;
𝐆𝐫𝐞𝐮ë𝐭𝐬𝐣 𝐛è𝐧 𝐢𝐜𝐡,
𝐏𝐫𝐢𝐧𝐬 𝐯𝐚𝐧 𝐝𝐞 𝐊𝐫𝐚𝐨𝐧𝐤𝐞𝐥𝐚𝐞𝐫𝐞;
𝐊𝐫𝐚𝐨𝐧𝐤𝐞𝐥 𝐀𝐥𝐚𝐚𝐟!”

---

𝕁𝕖𝕦𝕘𝕡𝕣𝕚𝕟𝕤𝕖𝕤 𝕋𝕖𝕤𝕤 𝟙𝕤𝕥𝕖

Zondig, 18 Jannewari 2026

Vanmiddig höbbe veer op ózze gezellige Kènjerzitting és 51ste Jeugprins(es) oetgerope:
𝐉𝐞𝐮𝐠𝐩𝐫𝐢𝐧𝐬𝐞𝐬 𝐓𝐞𝐬𝐬 𝟏𝐬𝐭𝐞 (𝐖𝐢𝐣𝐬𝐞𝐧)

Same mit pap Marc (Awt Prins 2015 en Kraonkel Kanjer), mam Karo en zusje Ive zeen ze allemaol betrókke biej de Kraonkelaere. Al jaore is Tess lid van de Dansmariekes van v.v. De Kraonkelaere, maar dit jaor geit zie väörop in de polonaise.

Tess zit op’pe Basissjool Sterrerijk in ózze wiëk en is naeve ’t danse auch aktief biej häör handjbalvereiniging V&L.
Verder is d’r nog eine leuke connectie tösje Prinses Tess en Prins Rick. De opa van Tess is namelijk auch lid van de Sociëteit Net Neet Opgerich. Precies, diezelfde vereiniging wo de sjoonpap van Rick biej zit.

In häör vrieje tiëd hauwt Tess d’rvan om lekker mit vriendinne aaf te sjpraeke. Auch TikTok’s make same mit vriendinne vingk ze erg leuk.

Ózze allereërste Jeugprinses geit dit sezoen regere euver ’t Kraonkelaere-riek mit häöre liefsjpreuk:

“È𝐥𝐥𝐞𝐟 𝐣𝐚𝐨𝐫 𝐠𝐞𝐥𝐞𝐣𝐞 𝐰𝐚𝐨𝐫 𝐦𝐢𝐞𝐧𝐞 𝐩𝐚𝐩 𝐝𝐞 𝐏𝐫𝐢𝐧𝐬,
𝐄𝐧 𝐰𝐨𝐨𝐫𝐭 𝐏𝐫𝐢𝐧𝐬𝐞𝐬 𝐰𝐚𝐞𝐫𝐞 𝐚𝐮𝐜𝐡 𝐦𝐢𝐞𝐧𝐞 𝐠𝐫𝐨𝐚𝐭𝐬𝐭𝐞 𝐰è𝐧𝐬.
𝐍𝐨é 𝐢𝐬 ’𝐭 𝐞𝐢𝐧𝐝𝐞𝐥𝐢𝐣𝐤 𝐳𝐨 𝐰𝐢𝐞ë𝐭, 𝐢𝐜𝐡 𝐝𝐚𝐧𝐬 𝐞𝐧 𝐥𝐚𝐜𝐡
𝐖𝐚𝐧𝐭 𝐕𝐚𝐬𝐭𝐞𝐥𝐚𝐨𝐯𝐞𝐧𝐝 – 𝐯𝐢𝐞𝐫 𝐢𝐜𝐡 𝐝𝐚𝐚𝐠 𝐞𝐧 𝐧𝐚𝐜𝐡
𝐊𝐫𝐚𝐨𝐧𝐤𝐞𝐥𝐚𝐞𝐫𝐞 𝐀𝐥𝐚𝐚𝐟!”