Óndanks ‘t neet doorgaon van ‘t Gelaens Vastelaovesleedjes Konkoer, kènt de Waereldsjtad in ‘t vastelaovessezoen 2024-2025 tóch geneete van eine Gelaense Sjlager: ‘EN NOE?’ van Marie-José Soons.
Dat maakte de sjtichting ‘DE VIEF’ van Gelaen, wo-in de vief Gelaense vastelaovesvereniginge zeen vertegenwoordigd, bekènd. Marie-Jose Soons zèngk ein nummer dat gesjreeve en gekomponeerd is door Ben Erkens. Ein gooje loesteraar heurt in ‘t leedje maatsjappelikke thema’s van alledag trök, verpak in ein vrolikke “jus” zodat veer ondanks deze óntwikkelinge momente van lol en plezier kènne belaeve. Soons won veurig jaor ‘t GVK mit häör nummer ‘Ós Waereldsjtad Vlamt’.
De organisasie van ‘t GVK is bliej toch ein Gelaense Sjlager 2025 te kènne prissentere. Momenteel is de organisasie mit alle direk betrokke partieje bezig, óm ‘t GVK in ‘t naojaor van 2025 wederom in ein kampioensjap te laote plaastvènje.
Wirkgroep GVK